تحدث الناقد الفني طارق الشناوي عن أغاني المهرجانات، وما تحمله من كلمات لا تتناسب مع الذوق العام المصري وللأطفال أن يسمعوها، مؤكدًا أن الأغاني التي تحتوي على كلمات رديئة على حسب ما قاله، كانت موجودة قديمًا وستظل موجودة، وذلك خلال حضوره مؤتمر نقابة المهن الموسيقية، الذي تم انعقاده لكي يوضع شروط عمل مطربي المهرجانات .
وقال طارق الشناوي: «أم كلثوم غنت أغاني أبيحة، ولما غنت ده في فترة زمنية كانت كده وبعدين خلت أحمد رامي غيرها بس فيه ناس كملت، واللي بقوله ده تاريخ وفي فترة ما كان ده السائد وطول عمر الأغاني الرديئة موجودة وهتفضل موجودة».
وأضاف الشناوي: «الفن هو إننا نطلع حاجة حلوة الناس تحبها والناس متعطشة للفن الجميل، ويجب أن نضع كل الطاقة لخلق مناخ صحي يصنع فنا جميلا».
وتابع: «كتير من المطربين حاولوا يغنوا مهرجانات وفشلوا كل حاجة ليها ناس ولازم كل حد يكون عارف بيعمل أيه عشان الناس تصدقه وبدون ذكر أسمائهم لأنهم أصحاب مصطفى كامل».
وعن موارد طاقة نقابة المهن الموسيقية وموارد دخلها، قال طارق الشناوي:« ارجوا ألا نبدد الطاقة في نقابة الموسيقيين مثلما حدث في السنوات السابقة، إحنا بددنا طاقات وحاجات كتير في حاجات ملهاش لازمة».
