يبدو أن بعض المعلمين تخلوا عن مهنتهم الأساسية وابتعدوا عن الاخلاق التي هي في الاساس من مقدمات التعليم.
والدة احد الطلاب تروي مأساتها مع احد المدرسين أثناء اعطاء ابنها دروس خصوصية، موضحة ان المدرس قام بضربها بـ الجزمة على حد وصفها.
وينشر موقع أوان مصر القصة كما تسردها والدة الطالب، عبر صفحتها الخاصة، ويؤكد الموقع انه على استعداد لتلقي اي ردود من اي جهة لنشرها.
وفيما يلي قصة والدة الطالب:
«ياجماعة انا لسة راجعة من القسم عملت محضر للمستر بالتعدي والضرب بيجي البيت اخدت رقمه من الدعاية اللي بتتعمل عالجروبات دعاية مدرس بقي كبير واشترط الفلوس مقدم وجه اشترط انه ياخد فلوس الشهر الجديد من الحصة التامنة والكلام ده من الحصة الخامسة مالشهر الأول
مش راضي يقبل اي تعليق بقالنا شهر في وحدة والمنهج تمن وحدات وانا بطلب منه انه الولد شاطر ممكن يسرع شوية لانه كده مش هنلحق امتحانات الشهر فضل يزعق وانا عارف شغلي ومنتهي قلة الزوق وغير المواعيد وفضل يقولي ده اللي عندي راح قال لصحبتي انه خلاص مش هيدي ابني قولتله تمام والمفروض رايحة عند صحبتي اخد فلوسي منه زي ماقال قعد يقول انا اللي اقول وقت ما افضي انا اللي احدد ومرضيش يديني فلوسي وقعد يزعق فقولت اتصل علي بابا لاني فعلا خوفت من طريقته ومن همجيته اول ماسمعني بتصل ببابا قعد يزعق ويقول انا جاي علشان اضرب الأشكال دي بالجزمة واقسم بالله اقسم بالله قلع الجزمة وضربني في شقة صحبتي اقسم بالله حاسة اني بحلم انا استحملت قرفه لاني زوجي مسافر ومش بينفع اجيب مدرس عندي وواحدة الله لا يكسبها ولا يربحها فضلت تشكرلي فيه وانه موجه وكلام كله طلع كدب ولقيتها بتعلق في اي بوست برقمه واسمه وانا استحملت علشان كمية الدعاية وانه ممتاز وقولت محكمش من اول شهر والله العظيم طلع بيستهبل فالحصص ويدي مسألة واحدة فالحصة ويخلي الولاد يحلو الباقي ويمسك التليفون ومايكملش ساعة مرة بنعلق اني الحصة لسة فاضل فيها ربع ساعة راح قال انا عارف شغلي وقام دون استئذان وفتح باب الشقة ومشي مع اني كان لسة فاضل حصتين لاولادها التانيين حسبي الله في كل حد يعمل دعاية لأي مدرس او مدرسة لمجرد معرفة دون تجربة شخصية».
