سرقت فكرتي مني.. مؤلفة تتهم الفنانة غادة عبد الرازق بالسرقة وتتوعدها بالملاحقة القانونية| ايه القصة؟
سرقت مني فكرتي
و غيرت اسم المسلسل
مؤلفة تهتم غادة عبدالرازق
بـ سرقة فكرة مسلسلها الرمضاني
تلت التلاتة
و اللي هيتعرض بعد أيام
ضمن السباق الرمضاني
ايه الحكاية؟
بعد إعلان القنوات الفضائية
عن المسلسلات اللي اشترتها
و اللي هتعرضها في رمضان
كـ نوع من أنواع الدعايا للمسلسل
و من وقتها كل مسلسل يتصدر التريند
بسبب فكرته أو البوستر الرسمي له
أو اسمه و الأبطال المشاركين فيه
و كان لمسلسل غادة عبد الرازق
نصيب في أنه يشارك في تريندات مسلسلات رمضان
و ده بعد ما طلعت المؤلفة الشابة سعاد شاهين
تتهم النجمة غادة عبد الرازق بسرقة فكرتها
و عملتها طبق الاصل في مسلسلها الجديد “تلت التلاتة”
و حكت في تصريحات لبرنامج ET بالعربي
اللي حصل بكل التفاصيل
كان فيه وسيط وصلني بالفنانة غادة عبد الرازق
وقالي إنها بتدور على مسلسل لرمضان
بس يكون بيتكون من 30 حلقة
وقتها عرضت عليها الفكرة
اللي سجلتها في أمريكا وفي مصر
وبعتت لها التفاصيل كاملة
وموضوع الشخصيات التلاتة
مع الملخص والمعالجة كمان
وردت بسرعة إنها عايزة تقابلني
قابلتها وشرحت لها الموضوع
وكنت سعيدة إن بدايتي في مصر هتكون معاها
اتكلمنا في تفاصيل الـ 30 حلقة
وطلبت منها إني أرجع أمريكا
عشان أنهي شوية حاجات
وبعدين أجي مصر تاني
بعد أسبوع أو أسبوعين بالكتير
لإني عارفة إنها كانت عايزة تبدأ تصوير في شهر 11
فجأة اتقطع الاتصال بيني وبينها
ومبقتش ترد على الواتس آب حتى
وبعد فترة الشخص الوسيط بيني وبينها
كلمني وقالي الحقي في كاتبة تانية خدت شغلك
وغيرت اسم المسلسل
و أنا استحالة اسكت عن حقي
وفكرتي اللي اتسرقت مني
و كل اللي اتغير هو إسم المسلسل بس
و هاخد الإجراءات القانونية ضدها
و لحد دلوقتي الفنانة غادة عبد الرازق
ملتزمة الصمت و مردتش
يا ترى الموضوع هيخلص على ايه؟
ده اللي هنعرفه الأيام اللي جاية
