حرص الفنان سامو زين، على التعليق على أزمات الفنان والملحن عمرو مصطفى خلال الفترة الماضية، موضحًا أنه يدعمه وأنه له الحق فيما يطلبه من الملحنين والفنانين.
وكتب سامو زين عبر حسابه الشخصي بموقع التواصل الاجتماعي فيسبوك: بما إن ليا مقابلة مهمة جدًا هتنزل الفترة اللي جاية سألت عن رأيي في عمرو مصطفى واللي بيحصل، كان جوابي واضح وصريح هو أنه من أهم والأهم وحالة فريدة وليه الحق تمامًا بكل اللي بيعمله واللي بيطالب بيه من الملحنين والفنانين.
وتابع سامو حديثه عن عمرو مصطفى: حاله لا تكرر كثيرًا في هذا الزمن لعدة أسباب، في رأيي الشخصي إن عمرو بيسافر كتير وبيسمع كتير وفعلًا قدر يعمل تركيبة عربية أوروبية ومعتقدش أن في حد يقدر يوصل لـ اللي وصله فكريًا وذهنيًا وفنيًا.
وتابع: عمرو مصطفى اشتغلت معاه أغنيه واحدة في حياتي وأنا سعيد بيها، طبعًا في حاجات كتير اتقالت هتشوفوها وهتسمعوها ربنا يستر ومحدش يزعل مني.
واختتم سامو زين حديثه، قائلًا: ملحوظة سألت عن هذا الموضوع بما إني منتج وملحن أغاني الورد الأحمر، وقربي ليا وكثير من الأغاني وعضو في جمعية الملحنين والمؤلفين، فكنت لازم أرد بكل وضوح وصراحة.
