كشف المخرج خالد يوسف عن كثير من التجارب والمغامرات في حياته، ومن بينهم تجربته لـ تصوير الثورات وكان هو الذي يطلب بذلك ولا يكلف بيها، وأوضح ان جميع التصوير حقيق ولا يوجد فوتو شوب.
وتحدث خلال لقائه مع الإعلامي عمرو أديب ببرنامج الحكاية الذي يعرض عبر قناة ” ام بي سي مصر” الفضائية قائلاً: “محدش قالي ان اصور ثورة 30 انا اللي طلبت ان اصور والناس فهمه ان ده كان تكليف بالتصوير بس لا انا اللي طلبت وفي ثورة 25 يناير اترفض ان اصور بس في 30 يونيو اخدت الموافق وعملت كدة للاجيال القادمة”.
وأوضح قائلاً: “التصوير بتاع 30 يونيو كله حقيقي وانا اللي صورته ومصر من فوق حاجة تانية خالص وبنبدء من القاهرة ونطلع على الاسكندرية بعد كدة الصعيد والدلتا والمناظر بجد والناس فكروا ان كنت مزور واللي هما مش عارفين ان السكان اكثر من كدة بس هما قالوا ان ده فوتوشوب بس عشان ده يتعمل فوتو شوب بياخد شهور احنا كنا بنصور وبنذيع على طول”.
خالد يوسف عن الاخوان المسلمين: “حاسم امري من صغري ضدهم”
واوضح انه ضد الاخوان المسلمين دائماً قائلاً: “انا حاسم امري وانا عندي 16 سنة اني ضد الاخوان المصريين لان عارفهم كويس جدا وعارف فكرهم وانا ضد هذا النشاط ومحدش قدر يصطادني في الحته ديه الحمدلله لان انا حاسم امري”.
وأضاف قائلاً: “لما مشيت من مصر كنت رايح زيارة عادية لمراتي وبنتي، بس لاقيت ان مش هقدر اعيش كده وانا مش مهدد ولا حد فرض عليا حاجة خالص وكان عندي اقتناع ان هرجع”
خالد يوسف يوجه نصيحة للشباب
ووجه نصيحة خلال حواره قائلاً: “نصيحتي لكل اللي برا اوعا ترجع بس انا عشت تجربة ان ابقى في مكان غير وطني على مدار 2 ونص ده حاجة مختلفة وبيبقى في شوق لوطنك وبتلاقي ناس مختلفة وبتعمل مقارنات بين مجتمعك ومجتمعهم والتجربة ديه فادتني كتير”.
وتابع قائلاً: “انا كنت لما اروح اي حتة في العالم بلاقي نفسي عندي ارتكارية وعايز ارجع بس المره ديه حسيتها مختلفة كان حواليا ناس مصريين كتير وعرب وعندي بيت كبير هناك وكنا بنقعد كل يوم قعدت مصريين وكمان شبكة النت والتوسع في التواصل الاجتناعي خلى ان احساسك بالغربة يقل والسوشيال ميديا بتعرفك بالحواداث اللي بتحصل هنا في شارع فيصل او غيره كنت متابع وعملت مجتمع مصري هناك وعمري ما حسيت وسطهم بالغربة ابدا”.