كشف المخرج خالد يوسف عن استفادته من غربته في الخارج، وخلال السنتين ونصف قام بكتابة سيناريو لفيلم جديدة، وسوف يبدأ في تصوير خلال الفترة القادمة.
خالد يوسف عن غربته في الخارج
وصرح خلال حواره مع الإعلامي عمرو أديب ببرنامج الحكاية، الذي يعرض عبر قناة ام بي سي مصر الفضائية قائلاً: “طلعت من التجربة ديه بفيلم تقيل مش فيلم عادي وانا كنت مبسوط جدا بالعيشة برا وكانت عيشتي كويسة جدا وعلى حظي الفترة ديه كانت كورونا”.
وتابع قائلاً: “كان من حقي اتنقل في 5 دول عشان عندي اقامات فيهم ولما كنت بسافر بقولهم انا راجع بلدي والبلاد اللي كنت فيها استقبلتني باعمال كتير وخاصة فرنسا بالرغم اني بنتقدها في الفيلم اللي بعمله وفرنسا رحبت بيا وادوني اقامة”.
خالد يوسف عن الخواجات
وصرح خلال حواره ببرنامج الحكاية الذي يعرض عبر قناة ام بي سي مصر قائلاً: “هما زي اي شعب في العالم لابد ان نشيد بيهم هما مش فكرة احسن مننا في اي لان محدش احسن مننا وديه جمله عنصورية “.
وتابع قائلاً: “احنا اللي نورنا العالم من زمان اوي ومن بدء هذة الحضارة هما المصريين والعراقيين اللي خلو بعد كده الحضارات تحط حاجات تانية وتطور ومحدش احسن مننا بس هما عندهم حاجات زي مثلا منظومة القيم يعني لو حد عمل مخالفة قانونية ممكن مواطن اخر يبلغ عنه وعادي مفيش مشكلة انما هنا في مصر لو عملت كده تبقى ندل”.
خالد يوسف عن مشاهد 30 يونيو
كشف المخرج خالد يوسف عن كثير من التجارب والمغامرات في حياته، ومن بينهم تجربته لـ تصوير الثورات وكان هو الذي يطلب بذلك ولا يكلف بيها، وأوضح ان جميع التصوير حقيقي ولا يوجد فوتو شوب.
وتحدث قائلاً: “محدش قالي ان اصور ثورة 30 انا اللي طلبت ان اصور والناس فهمه ان ده كان تكليف بالتصوير بس لا انا اللي طلبت وفي ثورة 25 يناير اترفض ان اصور بس في 30 يونيو اخدت الموافق وعملت كدة للاجيال القادمة”.
وأوضح قائلاً: “التصوير بتاع 30 يونيو كله حقيقي وانا اللي صورته ومصر من فوق حاجة تانية خالص وبنبدء من القاهرة ونطلع على الاسكندرية بعد كدة الصعيد والدلتا والمناظر بجد والناس فكروا ان كنت مزور واللي هما مش عارفين ان السكان اكثر من كدة بس هما قالوا ان ده فوتوشوب بس عشان ده يتعمل فوتو شوب بياخد شهور احنا كنا بنصور وبنذيع على طول”.