تحدثت حفيدة أم كلثوم، المطرية الشابة “سناء نبيل”، خلال برنامج كلمة أخيرة لـ الإعلامية لميس الحديدي، عن قصة نجاحها خلال الفترة الماضية، وكيف تستعد في الفترة القادمة.
حفيدة أم كلثوم تروي تفاصيل نجاحها وأعمالها القادمة
وقالت نبيل عن حفلتها في الزمالك:” في حفلة ضمن مبادرة احياء التراس، عاملاها جمعية فرنسية ثقافية، مع شركة ريفليكت، بدعم من صوت القاهرة، فدي حاجه كويسه جدا، لأنهم عملوا لأم كلثوم فهتكون حاجه مشتركة بينا، وبعد كدا هيكون في جوله أوربية مع نفس الشركة”.
واستكملت:” أنا كنت روحت لندن، وكانت هناك مسرحية غنائية لأم كلثوم، وأنا كنت ضيفة شرف فيها، ومش حابه يكون ليا أغاني خاصة دلوقتي، وبحب وردة جدًا، وبغنيلها في يوم وليله”.
حفيدة أم كلثوم تكشف عن علاقتها بـ كوكب الشرق
وعن أسرتها قالت سناء :” والدي من بداية المشوار مسبنيش، وفي كل حته، ومش بيخليني أعمل حاجه غير وأنا مقتنعه بيها وعايزاها، فهو داعم كبير ليا جدًا، ووالدتي، والأسرة كلها، وكان في ودي بين جدي وبين أم كلثوم، وزيارات دائمه”.
واختتمت نبيل:” أم كلثوم كانت ذكية، وحريصة في كلامها جدًا، مكنتش بتتكلم كتير، ومش بتغلط لما بتتكلم، ودي حاجه أنا معجبه بيها في شخصيتها، وكانت على المسرح ليها شخصية كبيرة جدًا”.