طمأن الفنان حسان العربي جمهوره فى تصريح خاص لـ”أوان مصر” عن حالته الصحية وقال : والله الحمدلله بخير أنا القولون تعبني مرة في الثانية لحد ماروحت للدكتور قال لازم نعمل منظار علشان نشوف يعني التحاليل فعملنا المنظار أول امبارح كنت في المستشفي والحمدلله.
حسان العربي : يتابع أعماله الفنيةبعد تخطي الأزمة الصحية
وقال حسان العربي فى تصريح خاص لـ”أوان مصر”: أنا كنت بعمل مسرحية مع حوريه فرغلي ولبني ونس اسمها “روبانزل” وقدمنا العرض لمدة خمس أيام تقريبا ووقفنا، وكنت عامل طبعا قمر الغجر مع ميرنا وليد وخلصناها والمقرر عمل جزء آخر جزء ولكن لم يحالفنا الحظ أعتقد لأن ميرنا ارتبطت بعرض مع محمد صبحي.
وأضاف: في مسلسل بإذن الله هيبقي مع حورية فرغلي ورانيا يوسف إخراج الأستاذ تامر المقرر أن هو صوره منه جزء مكون من 15حلقة ووقف دلوقتي هيتعرض قبل رمضان.
حسان العربي يكشف عن تأثير الأعمال الفنية فى موسم رمضان
وتابع: الأعمال الفنية فى رمضان مبعرفش اتفرج عليها من كثرة عدد الأعمال، وهل المسلسل واقعه بنعيشه يعني احنا كنا زمان مثلا بيتعمل ثلاث او أربع مسلسلات وبتشتغلي وكانت الأجور ضعيفة بس في نسبة مشاهدة.
وأعرب خلال حديثه عن سعادته بمشاركته فى مسلسل المداح قائلا: مخرج كويس جدا راجل مؤدب محترم اشتغلت معاه قبل كده أبواب الشك مع صلاح حسني ولقاء الخميسي وكان دور حلو فيه اوي واشتغلت معاه في حكايتي مع ياسمين صبري كنت مرتاح نفسيا معاهم، راجل محترم كمان أول لقائي كان مع حمادة هلال قابلني مقابلة جميلة جدا شخصية محترمة.
