“يوسف محسن” طالب بالثانوية العامة حصل على صفر في مادة اللغة العربية, وكان “يوسف” قد اجرى تظلم في مادة اللغة العربية لتتحول درجته من صفر لـ 64.5 من 80.
وكان يوسف قد كتب منشور على صفحته الخاصة بموقع التواصل الإجتماعي “فيسبوك” بعد ظهور نتيجة الثانوية العامة يوضح فيه حقيقة حصوله على صفر بمادة اللغة العربية.
وقال : “انا اسمي يوسف محسن . مدرسه جمال عبد الناصر غرب الفيوم جبت 64 % وجبت ف العربي صفر وحصل معايا ان كنت مسلم ورقتين للبابل شيت وعامل محضر بده زي م المدرس قالي انا قولت للمراقبة انا غلطت ف سؤال اعمل ايه ادتني بابل شيت قالتلي حل فيه السؤال ده بس وهندبس الاتنين ف بعض ومعاهم المحضر
والمحضر مكنش ب تبديل بابل شيت لا انا كنت كااتب ان عندي سوالين غلط وتم نقلهم ف بابل شيت اخر ع حسب تعليمات المدرس ب الكلام الي هكتبه انا معرفش ازاي اكتب محضر انا كتبت الي قاله”
وأضاف: “ولما سالت دلوقتي كذا مدرس قالوا بيروح ورقه واحده والتانيه بتتبعت كتالف ومدرسين قالوا بتتقطع بس وده مش الي مضيت عليه ولا كتبته ف المحضر المحضر اتعمل ومضيت ع اساس الي مستر بتاع اللجنه قالي عليه والي انا كاتبه ب ايدي ف المحضر
وكتبت المحضر اني نقلت اجابه السؤال ده ف بابل شيت تاني ومضيت عليه والمراقب كنت قولتله طيب ينفع يبقي ليا اتنين قالي طالما معمول محضر اثبات حاله خلاص وكان ف اخر الوقت وقالي يلا عشان الوقت خلص وانا كنت اول مره ف حياتي امتحن بابل شيت ولسه معرفش اي حاجه ف مشيت ورا كلام المدرس الي هو اكيد فاهم اكتر مني ودلوقتي لقيت اني جايب ف صفر ف معني كده ان الورقه الي هي فيها سوال واحد الي راحت واتصححت ومع العلم المدرس قالي هيروح الاتنين طالما عملت محضر …..فهل ذنبي اني مشيت ورا كلام المراقب الي اصلا مخلنيش انقل غير سوالين بس ولو سابني انا كنت هنقل كله بس المراقب والمراقبه كانوا واقفين جنبي عايزين يلموا الورقه وخلاص …توضيح اخير انا حالل ف ورقة الاسئلة يعني دليل اني حالل ومش سايب الورقه فاضيه بالاضافه لان مفيش مراقب طول الإمتحانات كان بيستلم ورقه بابل شيت ناقصه سوال كانوا بيدخلوا قبل ساعه الا ربع يلا يابني انت وهو حل ف البابل شيت وسيب دلوقتي الحل اهم حاجه تنقل ف البابل شيت ف مستحيل كان هيستلم مني ورقه بابل شيت مافيهاش غير سوالين بس الي محلولين … وبالاستناد لدرجاتي ف انا حالل ف كل المواد حلو ف اكيد مش هدخل اسيب ورقه العربي بتاع البابل شيت فاضيه وانا اصلا حالل ف ورقه الاسئلة .. ((ياريت شير كتير الشير بيساعد”