كشف المخرج بيتر ميمي عن تعرضه لأحداث مشابهة لأحداث مسلسل “بالطو”، الذي بدأ عرضه مؤخرا ويحظى بتفاعل كبير.
ونشر بيتر ميمي عبر حسابه في موقع التواصل الاجتماعي فيسبوك صورة له أثناء عمله كطبيب، وكتب معلقا عليها: “بمناسبة مسلسل بالطو، اللى بيحصل فى المسلسل كان بيحصل زمان بالظبط. انا استلمت تكليف سنة ٢٠١٢ على اساس انى طبيب ثالث فى احدى الوحدات الصحية فى البدرشين، وللاسف الوحدة كان فيها تصدع فى المبنى و كنا فى اوضتين (حرفيا اوضتين) تبع الجمعية الشرعية، وللاسف الطبيب الثانى كان عنده امتحانات ماچستير و خد اجازة، و للاسف الطبيب الاول و مدير الوحدة كان زهق من الليلة كلها و راح مستشفى تانية، وللاسف بعد اسبوعين فى الوحدة لاقيت نفسى مدير الوحدة ومفتش الصحة وانا عندى ٢٤ سنة! و مش عارف منين يودى فين!”.
وأضاف: “مفتيش الصحة مسئول عن المواليد و الوفيات و التطعيم و الطوارئ و الجراحة و الباطنة و الختم (والختم ده اهم حاجة قالولى ده لو اتسرق منك هتتسجن). كان بيعدى عليا حاجات غريبة، مرة واحدة دخلت عليا قرصها عقرب و جايبة فى ايديها العقرب، ويوم جالى واحدة مشربة بنتها اللى عندها اسبوعين لبن جاموسة،
وتابع: “ومرة روحت اعاين جثة واطلع شهادة وفاة والجنازة اكنك فى فيلم الهروب، ومرة اتخانقت مع اهل مريض و الممرضة قالتلى متجيش بكرة علشان دول ناس صعبة ممكن يقتلوك !! ومرة عيان لاقانى بدور على مشرط فخرجلى موس من بقه قالى اشتغل بده! و مرة حد ضرب حد بسكينة و اهله مسكونى ضربونى انا علشان مش لاقيين الواد اللى ضربه بالسكينة! ده انا اضربت ضرب مخدهوش جدى فى فيلم بوحة! كل ده و عندى ٢٤ سنة! كنت babyboy يعنى”.
ومسلسل “بالطو” من بطولة عصام عمر، مريم الجندي، محمود حافظ، محمود البزاوي، محمد محمود، عارفة عبد الرسول ومحمد رضوان، تأليف أحمد عاطف وإخراج عمر المهندس.
من جهة أخرى، يواصل المخرج بيتر ميمي تصوير أحدث أفلامه “بيت الروبي”، من بطولة النجم كريم عبد العزيز.
ويقدم كريم عبد العزيز خلال أحداث الفيلم شخصية “إبراهيم الروبي” إنفلونسر مشهور يتعرض للعديد من المواقف خلال الأحداث.
