أعلن الفنان كريم فهمي في تصريحات تلفزيونية على برنامج ET بالعربي، استئناف تصوير مسلسل 220 يوم والذي كان مقرر أن يشارك به في السباق الرمضاني الماضي 2024 ولكنه توقف.
تصريحات كريم فهمي
وقال كريم فهمي: “هنستأنف تصوير مسلسل 220 يوم، وكل حاجة ربنا بيبقى رايد الخير فيها، مسلسل أزمة منتصف العمر أصلًا كان هيتعرض في رمضان وبسبب التأجيلات ربنا كتب له أنه ينزل بعد رمضان علشان ينجح النجاح ده”.
وأضاف كريم فهمي: “كل حاجة بعد نزول العمل ده بتاع ربنا والمنتج والقناة أو المنصة اللي بيتعرض عليها العمل، أنا اللي عليا إني أعمل اللي عليا سواء كتابة أو تمثيل”.
كريم فهمي يكشف تفاصيل أعماله الفنية القادمة
كما كشف كريم فهمي عن تفاصيل أعماله الفنية القادمة وقال: “في حاجات معروض دلوقتي تحت الإنشاء، وفي مشروع دماغ ألماظ أنا كتبته بقالي سنتين أو تلاتة ده بنحضره وإن شاء الله ربنا يكرم في الأيام اللي جاية واختيار الأبطال لأنه بطولة جماعية مش بطولتي لوحدي، والبطل اللي قدامي كان أحمد فهمي، ولكن بسبب مواعيده ومواعيدي مختلفة هيكون في نجم كبير بإذن الله، وهيكون في فيلم تاني كوميدي إن شاء الله أنا مخلص كتابته، ده بإذن الله بنحضر له دلوقتي”.
