أعلن الفنان المعتزل خالد الفايد اليوم، عن تفاصيل جديدة في أزمته مع المنتج هاني محروس عبر حسابه الرسمي بموقع فيسبوك، خاصة بعدما خرجت زوجته عن صمتها وأثارت الأزمة من جديد.
ورد خالد الفايد على زوجة هاني محروس: «أولا أنا مرضيتش أذكر ديانات أبدا في الموضوع ثانيا أنتي مراته وأكيد محموقة عليه وزعلانة، ثالثا البوستات اللي كان بيقولي امسحها كانت بوستات دينية وربنا شاهد لما كنت منزل بروفايل مكتوب فيه (محمد صلى الله عليه وسلم ) لقيته بيقولي مينفعش تنزل ده امسحه ودا غلط».
انتهاء أزمة خالد الفايد والمنتج هاني محروس
وأضاف الفنان المعتزل: «رابعا أنا لما قلتله عاوز لبس علشان أنا فنان ومنظري لازم يكون كويس قالي حاضر، وجابلي كارتونة فيها لبس مهري وكوتشيات مقطعة، ولما زعلت راح مطلعلي ألف جنيه بيقولي خد اشتري لبس».
وتابع الفايد: «خامسا أنا مكنتش قاعد في بيته ولا حاجة دي شقة الشركة اللي أنا كنت ماضي فيها وطبيعي كان من حقي أقعد فيها وهو لما أنا بطلت غنا طردني من الشقة، ومنع عني مصروفي وأنا كنت بايت 3 أيام في الشارع وربنا شاهد على كلامي».
وأشار: «ثم مين قال إني عايز العقد علشان أشتغل مع حد تاني؟ أنا لو عايز أنجح هيكون مع هاني محروس لأنه منتج شاطر وشركة تقيلة إنما أنا صدقت في توبتي لله عز وجل وأنا مش كداب زيكم ولا بعرف أكدب».
واختتم حديثه: «سبحان الله هاني واللي معاه مش عارفين يردوا عليا بعد ما وضحت كل حاجة، راحت مراته منزلة بوست بتشكك في مصداقية توبتي، علشان الناس بتدعمني وعلشان أنتوا واقفين جمبي وعلشان أنتو أهل حق مترضوش أبدا بالغلط، وهما طالعين يشوهوا سمعتي ويشككوا في توبتي».
وبعد دقائق قليلة من كتابة الفايد للبوست، أزاله من صفحته، ولم يوضح سبب ذلك.
