ردت مي زايد، مخرجة فيلم “عاش يا كابتن”، على الاتهامات التي وجهت لها بسرقتها فكرة الفيلم، حسبما تم تداوله على مواقع التواصل الاجتماعي في الساعات الماضية.
وكان المخرج عمروش بدر كتب في وقت سابق أن فيلم “عاش يا كابتن” مشروعه وفكرته وكان مخرجه لمدة 3 سنوات وبعد وقوع خلاف ترك الفيلم.
وكتبت مي عبر حسابها على موقع التواصل الاجتماعي “فيسبوك”: “مفيش أي قرار فني أو إخراجي إو إنتاجي حتى اتاخد ليه علاقة بالفيلم دا كان من حد غيري من أول لحظة في 2014 ولحد آخر لحظة في 2020. ومفيش أي تصوير حصل وأنا مش جزء من الفيلم دا. أول لقطة اتصورت للفيلم دا كانت حتى بالكاميرا الشخصية بتاعتي”.
وأكملت : “وأنا عمري ما اتحطيت في موضع اتهام عشان أدافع عن نفسي الحمد لله ودي حاجة يتسأل فيها أي حد اشتغلت معاه طول ال١٠ سنين اللي فاتت. وبالنسبة للفيلم دا تحديداً أي حد من فريق العمل أو الناس اللي اتعمل عنهم الفيلم يقدر يأكد كلامي. هما كانوا موجودين وشايفين كل حاجة”.
وكان فيلم “عاش يا كابتن” حصل على 3 جوائز في حفل ختام مهرجان القاهرة السينمائي الدولي أمس، وذلك في دورته الـ42، منها الهرم البرونزي وجائزة الجمهور “يوسف شريف رزق الله”.
