تحدث نجل المطرب الشعبي أحمد شيبة تفاصيل خلافه مع والده، وذلك خلال مكالمة هاتفية في برنامج حضرة المواطن.
وقال نجل أحمد شيبة: «والدي كان في حفلة وغنى أغنية جديدة، فنشرتها على حسابي بموقع التواصل الاجتماعي فيس بوك، فقالي عليا الطلاق ما أنت داخل البيت، فروحت أعيش مع جدتي».
وتابع: «في اليوم التاني نشرت صورة لوالدي وهو بيحيي حفلة وجنبه عدد من البنات، وقولت أخليه ييجي جنبي عند ستي، يونسني ونشرت صورة والدي مع البنات بهدف أخد حقي منه، وهو هيجي يونسني مع ستي، ومش هيقدر يروح البيت».
أخر أعمال أحمد شيبة
وكان طرح أحمد شيبة مؤخرًا أغنية من كتر ما شفت عبر قناتها بموقع الفيديوهات الشهير يوتيوب، وحققت الأغنية نجاحًا كبيرًا فور طرحها.
أغنية من كتر ما شفت
وتقول كلمات أغنية: من كتر ما شفت يا دنيا
لقيتها خلاص مش فارقة
الناس بقى ليه تفكيرها
تشوف ناس غيرها في غرقة
واللي يقدم لك خدمة
تلاقي عينيه على غيرها
كلها بقى سهل عليها
تأجر حتى ضميرها
ما بقاش في كسوف
نعمل معروف يترد علينا بعلقه
ابو عين مليانة اديلو امانة
يصون ما يخونشي
والعيش والملح على ابن الناس
تلاقيه ما يهونش
واللي ما يحمدش الله عالنعمة
وعيشتوا عواله
بيرازي في خلق الله في الشر
دماغه شغاله
وتلاقي من حكه الناس تتلم
في رقص ما تتأخرش
نغلط ونقول مش غلطة
ونداري عالغلطة بغلطة
بنكح تراب من الاخر
عايشينها بخور وأونطة
قايمين نايمين نحسبها
بندور على مكاسبها
واللي تخسر بنسيبها
بقى كله عنيه عالشنطة
بنمد ايدينا للناس بالحب نلاقي عداوة
واللي ما يسواش نلقاه علينا عاش
والروس تتساوى
وبقينا حريفة نبر مفيش الله يسهل له
وابو زمة نظيفه نقوم جايين
على وسطه نحلوا
حتى اللي شارينا بنفرط فيه
برخيص ما بقاش في غلاوة
بنشوف النار نجي نطفي النار
بتهب حريقة
ما بلاش اسفين وتعالو يومين
تخلص في دقيقة
دا اللي بيتمنى الخير للناس تلاقيه قدامو
واللي بيستقوى الايام اقوى تفك الحاله
ملينا جراح دي الدنيا براح
والناس بتحب الضيقه
بنعيب عالناس ال يعني خلاص
العيب مش فينا
وفراغة العين جايبينها منين حد يرسينا
فين راح الدم يا خلق تعبنا كفايه ندالة
عايزين نرتاح اخرتها وصلنا لاسوأ حالة
ما تصفوا قلوبكوا الدنيا زوال
اصلها فانيه ومتفاتة
نغلط ونقول مش غلطة
ونداري عالغلطة بغلطة
بنكح تراب من الاخر
عايشينها بخور وأونطة
قايمين نايمين نحسبها
بندوَّر على مكاسبها
واللي تخسر بنسيبها
بقى كله عنيه عالشنطة
