كشف الفنان أحمد أمين، عن إمكانية عمل جزء ثاني من مسلسله الصفارة، بعد نجاح الجزء الأول منه، والذي تم عرضه في السباق الرمضاني 2023، وحقق نجاحًا كبيرًا لدى الجمهور.
وقال أحمد أمين خلال لقائه مع الإعلامي رامي رضوان، في برنامجه مساء DMC: حاسس إنى لازم أفكر في موضوع تاني لسة بدور على فكرة جديدة، لكن حتى الآن مقدرش أعلن عن جزء ثاني.
وأشار أحمد أمين، أنه استلهم فكرة الجزء الأول من مسلسل الصفارة من رواية صوت الرعد، وهي فكرة ليست جديدة لكن الكثيرون أعادوا توظيفها في أعمال مختلفة، مؤكدًا أن ورشة كتابة المسلسل كانت سبب رئيسي في نجاحه، قائلًا: غالبًا بيبقى في حد عنده بداية حدوتة وبيبقى عارف خصوصية الموضوع ده فين سواء كوميدي والشخصيات، ودي حاجات بتكون ثوابت في المشروع، والصفارة دي كانت زي فكرة السيفون بيرجع بيه للماضي والكاميرا والصور والساعة والجرنال والخزنة والمذكرات، كل دي كانت أفكار.
وتابع أحمد أمين: أنا قولت لورشة الكتابة المبدأ أن في حد حصله تروما في حياته وتجاوزها منهار لدرجة أنه كان على وشك الانتحار، ولقى شيء ممكن يرجعه للحظة دي علشان يغير فيها، إيه بقى التروما والمشكلة والشيء مكناش عارفين، وبدأنا نجاوب على الأسئلة ودي حلاوة ورشة الكتابة أن السؤال بيتجاوب من أكتر من جيل ووجهة نظر.
وأضاف: إحنا كنا حابين أن الفكرة يكون فيها فرعوني علشان يبقى فيها سحر، ودور ورشة الكتابة إنهم يجاوبوا على الأسئلة دي.
مسلسل الصفارة
وشارك في بطولة مسلسل الصفارة عدد كبير من نجوم الفن، أبرزهم أحمد أمين، ومحمود البزاوي، وآية سماحة، وحاتم صلاح، وإنعام سالوسة، وطه دسوقي، والمسلسل من تأليف أحمد أمين، وإخراج علاء إسماعيل.
