أوضح الفنان أحمد أمين، أن السوشيال ميديا أصبحت بشعة ومزعجة، وإذا أنت أيضًا شعرت بذلك فهذا شهور صحي.
وكتب “أمين”، عبر حسابه الرسمي بموقع التواصل الاجتماعي “فيسبوك”: “لو إنت حسيت مؤخرا إن السوشيال ميديا بقت مليانة بشاعة.. ولو خدت بالك وانزعجت من إن فيه ناس بتقول آراء قبيحة طلبا للاهتمام و التريند فقط.، فشعورك ده صحي جدا.. والمفروض إننا طول حياتنا نهتم بالحياة الحقيقية اكتر من السوشيال ميديا.. بمعنى”.
وأضاف: “ان فيه أبناء بيشتكو إن اباؤهم ما بيسمعوش مشاكلهم ونفس الآباء دول عايشين جوه مشاكل ناس تانية من اللي ع السوشيال ميديا.. فالاهم إنك تتحمل آراء.. و أوجاع.. ومشاكل القريبين منك لو إنت بتحب كده.. يبقى الاقربون أولى.. والعالم الافتراضي ياخد مننا اهتمام ووقت على قده وبس”.
أحمد أمين: هبدأ شغل فورًا في مسلسل كرتون جديد للأطفال من إنتاجي
كشف الفنان أحمد أمين، عن تحضيراته لمسلسل كرتون جديد للأطفال، موضحًا أن العمل سوف يكون من إنتاجه، وجاء ذلك من خلال حسابه الرسمي بموقع التواصل الاجتماعي “قيسبوك”.
وكتب أحمد أمين: “طول الوقت عندي حلم مستمر إني أرجع أعمل عمل فني للأطفال.. وفي دماغي أفكار كتير بتتحول لمشاريع على الورق والخطط تتأجل زي مشاريع تانية كتير.. بس مع القلق اللي جوانا كلنا على ولادنا من المحتوى اللي بيتقدملهم واللي هو منغير بدايل تقريبا.. حسيت إن ده وقتها وقررت اتكل على الله.. وأشمر وأبدأ شغل فوراً وبشكل عاجل في مسلسل كرتون جديد للأطفال”.
وأضاف: “قريب جداً هتتعرفوا على تفاصيل أكتر.. العمل هايكون من إنتاجي ورزقي على الله.. ويارب يطلع للنور قريب ونتعاون مع فنانين وجهات حابة فعلاً تطلع شغل يستحقه أطفالنا ومستقبلهم.. دعواتكم لأولادنا.. ربنا يحفظهم ويحفظ عقولهم”.